El próximu llunes 24 de mayu va tener llugar un alcuentru On line pa poner sobro la mesa los retos derivaos del calecimientu global
Verdes Equo asítiase a favor d’una obligada transición acelerada del modelu enerxéticu, pa dar respuesta a la emerxencia climática y alvierten de qu’esta “tien de producise de forma socialmente xusta y respetando la biodiversidá”.
La so esmolición pol que consideren unu de los retos más importantes pa les próximes décades, l’adaptación a los cambeos derivaos del calentamientu global, xuntu col ábanu de solicitúes d’implantación de parques eólicos n’Asturies con plantegamientos puramente económicos llevalos a entamar una charra na que se van plantegar cuestiones como’l cambéu enerxéticu, la perda de biodiversidá y les necesidaes de reactivación económica de la redolada rural.
Na charra, que va tener llugar al traviés de la so canal de youtube a les 19:00 hores, van participar Jose Alba Alonso, profesor titular d’Economía Aplicada de la Universidá d’Uviéu, Margarita Camba Fontevedra, sicóloga y Escritora de l’Alianza Enerxía y Territoriu y Paco Ramos Muñíz, Inxenieru Industrial, de la Área d’Enerxía d’Ecoloxistes n’Acción.
This work is licensed under a Creative Commons Attribution 4.0 International License.
