• Portada
  • >
  • Asturies
  • >
  • Andecha Astur revindica una Oficialidá de plenos drechos

Andecha Astur revindica una Oficialidá de plenos drechos

  • 7 Mayu, 2021

La formación nacionaliega quier pal pueblu asturianu los mesmos drechos llingüísticos que pa los demás pueblos del Estáu y denuncia’l pelligru de la “oficialidá amable” qu’ufre’l PSOE como una continuación de la so política llingüicida y antiasturiana

Nesta 42 Selmana de les Lletres, Andecha Astur reconoz el perimportante avance haza la normalización democrática nel tarrén llingüísticu, algamada depués de los muncho más de los 42 años que’l pueblu asturianu lleva reclamando los mesmos drechos llingüísticos que’l restu de pueblos del estáu con llingua propio.

La presión social caltenida ta forciando a que los mesmos responsables de la situación represiva tean que ceder y escomenzar a asumir la oficialidá de la nuesa llingua nacional como un fechu inreversible“, declaren, señalando la estratexa del PSOE, partíu que demientres décades destacó pola so asturfobia llingüicida, atacando l’asturianu con tantu odiu comu lo faen agora los facistes de VOX, responsable del estatutu impuestu a los asturianos dende Madrid y qu’agora retrasa la inevitable oficialidá con una política de xestos ensin conteníos resumios nel conceutu de “Oficialidá amable”, una oficialidá que’l partíu tacha de desnaturalizada por nun reconocer dafechu los drechos llingüísticos d’asturianes y asturianos.

Dientro d’esa política de xeitos, Andecha Astur denuncia l’enfotu de venceyar la vindicación de la oficialidá con un inesistente problema de conflictos d’entendimientu, sofitando asina la estratexa de los matones de VOX. Nesi sen, el posicionamientudel facismu español ye mui util, apunten, comu contrapesu a los avances llingüísticos, lliberando al PSOE del so papel hestóricu de represor del asturianu.

Amás, consideren los “reblagos a curtiu algame” daos por Adrián Barbón comu un mecanismu de contención de la oficialidá, una política de xestos ya intenciones ensin avances riales “pero qu’aíden a caltener una rede clientelar, y a xenerar una falsa sensación de normalización llingüística y de compromisu del PSOE cola llingua asturiana” amparada na “oficialidá amable” .

Pa Andecha Astur, una reforma del Estatutu d’Autonomía impuestu dende Madrid que nun recueya una oficialidá de plenos drechos nun ye un avance, sinón un retrocesu difícil de superar. Nesi sen definen esta amabilidá como un conceutu inventáu qu’implica una falsa oficialidá folclorizante, “una carta de drechos llingüísticos na so mínima espresión –inferior nel fondu y la forma a la que tienen reconocíos los demás Pueblos del Estáu con llingua propia ya incumpliendo tolos trataos internacionales en materia de drechos llingüísticos- cola qu’acallantar la vindicación llingüística y conseguir evitar tolo qu’implica una oficialidá rial, ello ye, que l’asturianu seya llingua vehicular nel enseñu, que l’alministración pública tenga por méritu y necesidá la conocencia l’asturianu, que l’aición de les alministraciones públiques xorreza y s’esprese na nuesa llingua, que se priorice y se favoreza la convivencia social n’asturianu

Ello asina, nesta Selmana de les Lletres, Andecha Astur perafítase na so vindicación d’una Oficialidá de plenos drechos pa la nuesa llingua nacional, y fai un llamamientu a la coherencia “frente a los discursos “amables” que nun pretenden más que caltener la represión llingüística y les polítiques d’asimilación cultural, baxo una falsa apariencia de normalización democrática”.

Nuria Prendes

This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies