• Portada
  • >
  • Asturies
  • >
  • Los incidentes violentos protagonizaos por facistes españoles superen en 170 a ún los xeneraos por reciella non acompañao

Los incidentes violentos protagonizaos por facistes españoles superen en 170 a ún los xeneraos por reciella non acompañao

  • 3 Maio, 2021

Asturies: facistes 34 incidentes violentos nun solu añu, Menas 1 incidente’n cinco. Los datos evidencien la manipulación nel discursu de la criminalización de la reciella ensin acompañar

Dende’l 2018, n’Asturies rexistróse un únicu incidente protagonizáu por un menor foriatu ensin familia. Nel mesmu nun hubo daños personales.
Sicasí, namás mientres l’añu 2018 -cabera fecha de la que se conocen datos oficiales- contabilizáronse n’Asturies 34 delitos d’odiu, la práutica totalidá cometíos por fascistes españoles y con importantes daños, tantu a bienes materiales como a persones. La mayor incidencia d’estos delitos atopase nos venceyaos al racismu y la xenofobia, siguíos d’ataques a persones con ideoloxía d’esquierdes y rellacionaos cola orientación sexual.
Fora d’esti cómputu queda’l casu más conocíu, l’ataque en 2017 per parte d’un grupu neonazi a Germán Fernández, dexándolo baldáu pa tola vida. Tampoco se contabiliza l’agresión facista de militantes de VOX a profesores ya estudiantes universitarios nin cuando en 2019 una banda asturiana de música facista causó una engarradiella tumultuaria en Madrid, la suspensión de conciertos y fiestes populares por menacoes de grupos neonazis o l’actuación, en xineru d’esti añu, del boxeador facista conocíu como “El Xabalín”, que-y sacó un güeyu a un home en plena cai. Atacáronse la Casa Sindical de Xixón, les instalaciones del club de fútbol de Ciares, la see de Podemos en Xixón, los locales d’asociaciones de vecinos… Sicasí, los mesmos protagonistes d’estos “incidentes” son los que criminalicen la esistencia mesma de neños y neñes qu’aporten al país ensin familia.
Pa munchos, ye hora de ilegalizar estos grupos facistes, -que de fechu actúen amparaos n’una cierta impunidá tantu llegal comu mediática-, y si fuere posible, echalos del país.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies