La 42 edición de la Selmana de les Lletres cellébrase pente restriciones sanitaries, tensiones polítiques y esperances d’oficialidá

L’añu pasáu, por primer vegada en 42 años y por causes de fuercia mayor, el pueblu asturianu nun acudió a la cita añal na que reclama un drechu tan fundamental comu’l de la propia llingua. Esti añu retoma la revindicación con más puxu si cabe y sedrá’l sábadu día 8 de mayu, al mediudíe, na Plaza la Catedral d’Uviéu. Col envís de facer el actu más visible, al tiempu que se caltienen les midies de seguridá sanitaria, los participantes van formar un mosaicu de collores cola “bandera de la Oficialidá”, una enseña con un coral de collores que nes caberes selmanes va apaeciendo n’estremaos puntos de la xeografía asturiana reclamando esti drechu. Poro, pa facilitar la organización, la Xunta pide a toles persones que quieran participar que ?’????????? ????? ??????????: https://forms.gle/d9tmyNPbnaYJnzFV8. Les primeres 100 persones n’apuntase van llevar de regalu una de les banderes.

Los actos culturales alrodiu les Lletres entamaran el llunes 3 de mayu a les 12.00 hores cola presentación de la obra conmemorativa «Pruebes d’autor. Les siete vides de Nel Amaro», un llibru integráu por siete artículos sobre Nel Amaro, escritor y artista al que ta dedicada esti añu la Selmana les Lletres. El llibru, qu’ incluye material gráfico abondo, va repartise de baldre ente quien compre un llibru o discu n’asturianu’l día 7 de mayu, Día del Llibru Asturianu.

Nel mesmu actu, que tendrá llugar nel auditoriu Teodoro Cuesta, en   Mieres del Camín, proxeutaráse un documental ya inaguraráse la esposición sobre la vida y obra de Nel Amaro, que continuará abierta al públicu fasta’l 7 de mayu.

El vienres 7 l’Academia de la Llingua Asturiana va cellebrar el so actu académicu istitucional añal nel Teatru Campoamor, onde va acoyer como académicos al escritor Xandru Martino Ruz (académicu correspondiente) y la periodista Pilar Rubiera Alonso (miembru d’honor), según s’alcordo na  sesión estraordinaria de la istitución del xueves 15 d’abril,