El próximu xueves 6 de mayu a les 18h. nel salón d’actos de la Casa Cultura “Marta Portal” de Nava tendrá llugar el seminariu de música del país: “La pareya de tambor y gaita nel repertoriu tradicional asturianu. El toque pa la fiesta y la romería”
L’Asociación de Folclor Amigos de la Tradición, Afatra, xunto cola Escuela Municipal de Música de Nava, el Conceyu de Nava y Asturies Cultura en Rede entama esti xueves 6 de Mayu un seminariu dedicáu a una de les figures más emblemátiques del folclor asturianu, la pareya de gaita y tambor.
El seminariu sedrá impartíu pol presidente d’Afatra y director del Concursu de Canción Asturiana Conceyu de Sieru, Valentín Fuente, acompangáu musicalmente de Belén Arboleya a la gaita y Joaquín Areces al tambor.
El seminariu tendrá llugar nel Salón d’Actos de la Casa Cultura Marta Portal, de Nava, de magar les seis de la tardi y la entrada sedrá llibre, fasta enllenar l’aforu disponible acordies a los protocolos de seguridá sanitario.
Redaición InfoAsturies
This work is licensed under a Creative Commons Attribution 4.0 International License.
