Continuar coles actuales polítiques, que son les que llevaron a Asturies a esta situación d’escaezu y desaniciu, llevaría a la esitosa culminación del xenocidiu llargamente anunciáu del país, con dos tercios de los conceyos asturianos despoblaos dafechu pa dientro un sieglu  

El llamáu “Iviernu Demográficu” ta devorando Asturies. Un cálculu d’au mos llevaría siguir pela mesma llinia nos prósimos años lleva a los espertos a anunciar que, de nun camudar ceo les tornes, en tres décades dellos conceyos asturianos tarán deshabitaos dafechu.

Boal, Degaña, Ibias, Illano, Vilanueva d’Ozcos, Villayón y Yernes y Tameza sedrán los primeros en cayer, con trenta años de plazu pal so despoblamientu dafechu. Cincuenta años ye’l plazu marcáu pa otros 26 conceyos, que se sumaríen a esos siete y bastaría con un sieglu pa finar con 45, cuasi’l 60% de la totalidá de conceyos del país.

El procesu lleva décades en marcha, con polítiques de centralización, abandonu rural y de les “esnales” d’Asturies y a estos altores nun algama con frenar l’ésodu de moradores d’estes tierres pa finar cola despoblación, ya que l’avieyamientu de los actuales poblaores d’estos conceyos da llugar a una tasa de xorrecimientu vexetativu acusadamente negativa; sedría preciso non solo afitar la población esistente, sinón atrayer nuevos moraores a les fasteres, incentivando l’asentamientu de la mocedá con acesu fácil a viviendes y sirvicios, bones comunicaciones y posibilidaes llaborales.

Sigún los espertos, el raigañu d’esta situación ye políticu y económicu, y la so solución, tamién. Actualizar les fontes d’ingresos nesos conceyos al traviés d’una “tercera transición ecolóxica y teunolóxica”, meyorar la productividá, facilitar la esportación y reformar l’alministración sedríen los primeros pasos a dar nel sen de repoblar Asturies. Lo contrario, es un suicidio inducido.