La primer película, Obertura d’un milagru, va proxectase esti vienres a les 19.00 hores na Casa de Cultura

El Conceyu de Gozón súmase a la programación de la presente edición de cine itinerante de la Llaboral Cinemateca, La Cinemateca Ambulante, un proyectu que busca averar el cine a los conceyos medianos y pequeños del país.

El documental Obertura d’un milagru del realizador Juan Luis Ruiz proxectaráse esti vienres 30 d’abril a les 19.00 hores na Casa de Cultura de Lluanco, con entrada de baldre.

Esti documental, con sellu asturianu, cuenta por qué y cómo un neñu de la guerra asturianu emigráu a la URSS en 1937 dende’l puertu d’El Musel (Xixón) termina trabayando col aclamáu cineasta rusu Andréi Tarkovski n’una de les sos más emblemátiques obres, L’espeyu. La programación fílmica ufiertada por Llaboral Cinemateca y Cinemateca Ambulante ta coordinada pol Festival Internacional de Cine de Xixón.

Por cuenta de la situación de la pandemia ye necesariu realizar una reserva nel teléfonu 985.88.04.02. El restu de filmes del ciclu que podrán visualizase nes siguientes feches, tamién na Casa de Cultura son “Y llovieron páxaros”  el vienres 7 de Mayu,  “Plácido” el 14 de Mayu, “Bacurau” el 28 de Mayu, y presllando’l ciclu,  “Dating Amber” el Vienres 11 de Xunu, toes elles a les 19 hores.

This work is licensed under a Creative Commons Attribution 4.0 International License.