La mañá entama ceo esti Primeru de Mayu que, comu too nestos tiempos, tará marcáu pola distancia y les midíes de seguridá. La primer convocatoria ye n’El Solarón, delantre la Casa Sindical. La Corriente Sindical d’Izquierdes, CSI convoca un actu homenaxe a trabayadores en llucha y esenciales, que tendrá llugar n’El Solarón -delantre la Casa Sindical-.Seique la cita ye a les 11:30 recomiéndase dir aportando más bien con alantru, pa facilitar la incorporación de los participantes nesti actu nel manifestamientu convocáu darréu. Del actu en sí trescalaron pocos detalles, namás que ye “un homenaxe a les trabayadores esenciales y en llucha mientres esti llargu añu y un mitín pa poner en valor el papel del sindicalismu, y en concreto, de la CSI nun escenariu tan llaceriosu”.

Darréu, y con namás media hora de marxe, CGT, CNT y SUATEA tienen convocada una concentración nos Xardinos del Naútico, na que se revindicarán los drechos de los trabayaores, les condiciones llaborales dignes ya el sindicalismu comprometíu cola clas trabayaora. “Dende CNT reivindicamos una acción sindical que torne la dignidá a la Clase Trabayadora. Reivindicamos el papel d’un sindicalismu que defenda xubíes salariales reales, qu’ameyoren el poder adquisitivu de la xente, que defenda la igualdá real nes empreses. Nun queremos maquillar convenios, queremos que la xente s’organice y lluche…”