La profesora investigada por maltratu a la reciella ya fore denunciada hai años

  • 26 Abril, 2021
Si el primer colexu nel que fore denunciada actuare cola mesma dilixencia que’l José Zorrilla, cientos de rapacinos d’infantil salvarien de los malos tratos d’esta muyer
Una mayestra d’infantil, a cargu de rapacinos de 3 y 4 años na Escuela Infantil José Zorrilla ta denunciada por insultar, pegar y descuriar a los sos escolinos. La mesma mayestra fore denunciada polos mesmos fechos va años, pero el colexu nel qu’entós trabayaba quitó importancia a los fechos,”porque nun había prebes”, nun había sangre nin güesos rotos, asina que “tan grave nun sedría”  y dexó que siguiere ocurriendo nos siguientes cursos ensin intervenir.

Nel casu actual foi la declaración d’una profesora en práutiques, que defendió a los neños y neñes d’infantil y sobre tou, la decidida actuación del colexu, qu’atendió debidamente les reclamaciones de les families, lo que permitió la intervención d’Inspección educativa, que ta investigando los fechos denunciaos, que son de gran gravedá, incluyendo vexaciones a neños con discapacidaes, negativa a llimpiar/llevar al bañu a los menores, agresiones físiques, en ocasiones con consecuencia de renegrones y vomitos o insultos continuaos.

Son cientos los escolinos que pasaron peles manes d’esta docente pente la primer y la segunda denuncia. Una actuación correcha por parte’l primer colexu evitaría’l sofrimientu de toos ellos.

Esti nun ye un casu aislláu, les families vense d’avezu abandonaes ya impotentes na situación de ver a los sos fios maltrataos y alcontrar de frente la muria del corporativismu escolar defendiendo lo indefendible. Actuaciones valientes comu la del Colexu José Zorrilla y de la mayestra en práutiques marquen la diferencia faza una Educación Pública de calidá.

Llucía F. Marqués

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies