• Portada
  • >
  • Conceyos
  • >
  • Un solu argayu corta les comunicaciones con mediu país

Un solu argayu corta les comunicaciones con mediu país

  • 21 Abril, 2021
Un argayu bien grande nes obres de la futura autovía Cornellana-Salas corta la única vía que xune’l Surocidente asturianu cola zona cientral.
Les obres, que tenien de tar finaes nel 2010, queden paralizaes indefiníamente
Más de 20.000 metros cúbicos de pizarra y arenisca cortaron el tramo Cornellana-Salas de l’autovía del surocidente (A-63), una vía que xune la mayor parte de los conceyos del surocidente. Afortunadamente, nesta ocasión nun hubo que llamentar víctimes, gracies a que los operarios de la obra deteutaren el miércoles les primeres fiendes y aseguraron la zona.

El tramu ye utilizáu a diariu por unos 2.500 vehículos, de los que 380 son camiones, según les caberes estadístiques del Ministeriu de Tresportes, siendo la principal carretera pa llegar a Uviéu, Xixón y Avilés dende’l surocidente asturianu. “Lo más grave” apunta un vecín “nun ye’l retrasu de la obra de la autovía, que lo ye, lo pior ye qu’un solu argayu estrangule les comunicaciones de toa una comarca, el Surocidente asturianu, d’un tamañu equiparable al de tol País Vascu. Urxe repensar y actuar sobre tou el sistema de comunicaciones del Surocidente”.

Agora y demientres meses Salas, Tineo, Ayande, Cangas, Ibias y Degaña, tendrán como única vía de comunicación con Uviéu el “Corredor del Narcea”, una carretera estrozá que tendrá que soportar más tráficu y caravanes como les daes ya esti pasáu fin de selmana. “Otra vuelta, les nueses deficiencies y l’abandonu de l’Adlministración de les comunicaciones del Surocidente queden n’evidencia”

De momento pa llegar a Salas dende’l centru’l país, los vehículos llixeros tienen que dirixise nel enllaz de Doriga, a traviés de la AS-15 sentíu Cangas, pa desviase posteriormente en Soto los Infantes hacia Salas pela AS-226. Mientres, los vehículos pesaos deberán circular pola AS-15 sentíu Cangas  pa coyer l’AS-215 hasta El Crucero y dende allí la AS-216 a La Espina.

Cabe albidrar qu’esti nun va a ser el únicu argayu que va producise, nuna autovía  trazá  media lladera, nun tarrén xeológicamente non afayaizu pa soportar una infracadarma d’esta triba. Depués de los abondos argayos, los vecinos de la zona reconocen que sienten congoxa cuando tienen que circular pela carretera nacional. Consideren que los trabayos na autovía tan suponiendo un riesgu añadíu a una carretera costruyía sobre un tarrén que ye principalmente arenisca; les obres de fechu ya xeneraron dellos acidentes, esbarrumbando cases collindantes.

Vitor Corte

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies