Alviértese a quienes s’atopen con ella na mariña de que nun la fadien nin s’averen endemasiáu a ella
Doqui ye una foca adulta que lleva un tiempu esfrutando de la mariña asturiana y ca vegada ye más avezao vela tomando’l sol, pasiando o apigazando plácidamente en cualquier sablera o pedreru del Ocidente asturianu.
Dende la Coordinadora para l’Estudiu y Protección de les Especies Marines, CEPESMA, lleven un tiempu controlando los sos vezos y asegurándose del so bon estáu.
Luis Laria, presidente del CEPESMA y director del Parque de la Vida en L.luarca, llanzó un avisu pidiendo a los ciudadanos que si s’atopen con ella, nun la fadien nin se-y averen, pa garantizar al másimu la so tranquilidá. Si la ven bien quieta, tampoco tienen d’esmolecese, nun-y asocede nada, lo más probable ye que tea durmiendo.
This work is licensed under a Creative Commons Attribution 4.0 International License.
