• Portada
  • >
  • Muyer
  • >
  • Muyeres y neñes con discapacidá lluchen contra la so invisibilidá y discriminación

Muyeres y neñes con discapacidá lluchen contra la so invisibilidá y discriminación

  • 8 Abril, 2021

El so proyeutu ye visibilizar y desaniciar les consecuencies de la cris sanitaria sobro un colectivu doblemente discrimináu, como muyeres y como discapacitaes

L’asociación AMDAS LA FONTE en collaboración cola confederación Estatal de Muyeres con Discapacidá (CEMUDIS), ta desendolcanco n’Asturies un proyeutu pal fortalecimientu del movimientu asociativu de muyeres y neñes con discapacidá frente al impautu de la cris sanitaria de la COVID-19. Esti proyeutu va durar a lo llargo de 2021 y tien como oxetivu sofitar a les entidaes pa revertir delles de les situaciones que provoquen el so debilitamientu ya inestabilidá

L’Asociación AMDAS LA FONTE ye una entidá ensin ánimu d’arriquecimientu, asitiada en Xixón, que foi creada en 2001, por un grupu de muyeres afeutaes por distintos tipos de discapacidá y bien sensibilizaes polos estremaos problemes que carecen les muyeres y neñes con discapacidá residentes n’Asturies

La situación de cris sanitaria, social y económica prevocada pola COVID-19 contribuyó a enfeblecer les cadarmes de les organizaciones de muyeres y neñes con discapacidá y punxo en grave riesgu la so caltenibilidá económica, asina comu la continuidá de los servicios d’atención especializao. “Magar l’actual cris sanitaria ta afeutándonos a toos, ye notable que xenera un mayor impautu nes muyeres y neñes con discapacidá, aumentando la situación de desigualdá, ye por ello que tenemos de trabayar pa garantizar los sos drechos y una plena participación na sociedá, de manera que nun se vean apostraes en dengún ámbitu y podamos embrivir l’impactu de la COVID-19 nes sos vides”.

Poro, esti añu propunxéronse dirixir los sos enfotos a fortalecer les redes de trabayu, pa ufiertar una atención coordinao y tresversal y garantizar la caltenibilidá económica de les entidaes, de manera que puedan siguir realizando les actividaes d’atención a les muyeres con discapacidá qu’ufiertaben de forma avezao.

Con esti proyeutu, pretenden visibilizar y desaniciar tal debilitamientu y les sos consecuencies, ente les que destaquen la discriminación interseccional que viven les muyeres con discapacidá, “apostraes a un planu priváu, invisible énte la sociedá, pero invisible tamién énte los poderes públicos”, la so escasa protección xurídica, les barreres esistentes pal so desenvolvimientu personal y profesional, o la inesistencia de mecanismos facilitadores pa la so participación público y social, qu’enzanquen que les muyeres con discapacidá desendolquen un proyeutu vital propiu.
Amás, denuncien que los poderes públicos, el poder llexislativu y los distintos actores políticos nun tienen en cuenta a les muyeres y neñes con discapacidá nes sos axendes polítiques, les organizaciones de muyeres con discapacidá  atopense con grandes dificultaes de financiamientu, por cuenta de que nun son un movimientu asociativu prioritariu d’atención nes convocatories de subvenciones y ayudes.

Quieren recordar tamién a los contribuyentes nel entamu la campaña de la declaración de la renta que proyeutos como ésti faense gracies a la solidaridá de les persones que ca añu marquen na so declaración de la renta’l caxellu d’Actividaes d’Interés xeneral consideraes d’interés social.

Llucía F. Marqués

 


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies