• Portada
  • >
  • Mediu Ambiente
  • >
  • Arcelor recibe una multa de la Confederación Hidrográfica por dañar la biodiversidá nel banzáu de San Andrés de los Tacones

Arcelor recibe una multa de la Confederación Hidrográfica por dañar la biodiversidá nel banzáu de San Andrés de los Tacones

  • 31 Marzu, 2021

Arcelor volvió vulnerar les midíes afitaes pola Xeneral de Biodiversidá y les autorizaciones del organismu de cuenca correspondiente, prevocando una importante afeición al espaciu Rede Natura 2000, Zona Especial de Protección de les Aves (ZEPA Banzaos Centru), too ello cola connivencia del Conceyu  Xixón 

13.099 euros ye la sanción que la Confederación Hidrográfica del Cantábricu impunxo a Arcelor Mittal pola costrución d’un llaguna na cola del banzáu de San Andrés de los Tacones allugáu nel conceyu  Xixón. Esti resolvimientu pon n’evidencia la neglixencia y presunta complicidá tantu del Conceyu de Xixón como del Serviciu de Disciplina de la Dirección Xeneral d’Ordenación del Territoriu y Urbanismu, que dexaron que les obres se realizaren ensin llicencia, nin Autorización Previa y que, magar les denuncies recibíes, nun dictaron les midíes de Restauración Urbanística a les que vienen obligaos pol TROTU.

Arcelor entamó los trámites del proyeutu d’igua de la presa de San Andrés de los Tacones n’ochobre del 2018, anque yá lo veníen anunciando dende l’añu 2012, cuando s’afayó la esistencia d’una fuga na mesma. Finalmente la empresa decidió ponese manes a la obra el pasáu añu. L’autorización pa la obra contenía unes condiciones ambientales bien concretes, coles mires de dexar que los miles de páxaros qu’alleguen a esti espaciu protexíu puedan desendolcar el so ciclu de nialización ensin alteraciones.

Como ye avezao esta empresa, les obres non solo se retrasaron -cuasi diez años desque se detectó la so necesidá- sinón qu’Arcelor incumplió ensin disimulu los condicionantes ambientales impuestos, hasta’l puntu de construyir la llaguna fora del allugamientu proxectáu,  esviando’l calce natural del ríu Aboño por aciu una presa xuniendo llaguna y ríu o arrincar y treslladar plantes protexíes del espaciu natural, too ello ensin la debía autorización del organismu de Cuenca, que ye’l responsable del dominiu públicu hidráulicu. El resultáu ye que na actualidá  la totalidá de la llamarga esistente antes de la obra ta desaniciada, tando tola zona anubierta por sedimentu.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies