• Portada
  • >
  • Llingua
  • >
  • Les declaraciones de Vox abren la puerte a la obligatoriedá de la conocencia del asturianu polos parllamentarios

Les declaraciones de Vox abren la puerte a la obligatoriedá de la conocencia del asturianu polos parllamentarios

  • 30 Marzu, 2021

Vox diz que la XXPA tien d’articular agora un sistema pol que tolos diputaos pescancien los discursos n’asturianu. El meyor sistema posible pa garantizar eso ye que toos ellos deprendan la llingua de les persones a les que representen

Ignacio Blanco, voceru de VOX na Xunta Xeneral del Principáu y el diputáu español José María Figareo ufiertaron una rueda de prensa na que dieron la so opinión sobro la sentencia del Tribunal Constitucional na que se ratifica l’usu del asturianu en discursos nel parlamentu asturianu, tantu per parte de los mesmos parllamentarios nel exerciciu de les sos funciones como los miembros del Conseyu de Gobiernu, los cargos y emplegaos públicos y cualquier persona que compareza énte la Cámara.

Na rueda de prensa aporfiaron en que la sentencia del Tribunal nun se llinda a dicir que l’artículu ye constitucional, sinón que la Mesa de la Cámara tien d’adoutar les midíes oportunes pa torgar que’l desconocimientu del asturianu polos representantes de los asturianos suponga un pilancu pal exerciciu de les sos funciones. Dende los círculos defensores de los drechos llingüísticos vese claro cuales son eses midíes a tomar: que tolos diputaos acrediten la so conocencia del idioma o en casu de ser necesario, que lu deprendan.  Pa ello, pueden allegar a l’Academia de la Llingua Asturiana, a academies privaes qu’ufierten esti serviciu o a organizaciones como la Xunta Pola Defensa la Llingua Asturiana, Iniciativa pol Asturianu o N’Ast qu’entamen dacuando cursos d’asturianu dende los niveles más básicos, anque lo apropiao sedría que la Cámara facilitara a tolos sos miembros un cursu específicu que-yos aidara a salir de la so inorancia.

Redaición InfoAsturies


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies