Nun sedría fasta’l 1983, cuando, comu reclamación del so Padremoñu Hestóricu, el sindicatu ocupa primero la primer planta de l’antigua Casa Sindical y más alantre la sesta. De magar entos, la Casa Sindical foi convirtiéndose’

n sede de más sindicatos y puntu d’alcuentru de la llucha obrera, tornando al so envís orixinal. El desdexamientu, a toes lluces intencionáu, en que la caltién tanto’l Conceyu Xixón comu’l Ministeriu de Trabayu, de quien depende direutamente, asina comu el porgüeyu especulaor sobro un tarrén allugáu nun  llugar estratéxicu na mesma entrá de la ciodá y coles estaciones de tren y autobús al par, ficieron que tuviere a piques de ser vaciá y nuevamente esbarrumbá nel 2019, pero la presión ciudadana caltúvola en pie y continuó el so usu sindical.

Nes caberes selmanes, la cai Sanz Crespo -na que s’alcuentra la Sindical- apaeció estrada de propaganda de Democracia Nacional, como preludiu al actual ataque col que s’esborriaron los murales solidarios, revindicativos y feministes qu’arrodiaben l’edificiu.

Dende la CNT y la CSI -dos de los sindicatos qu’utilicen los llocales del edificiu- destacaron la mezquindá y “indixencia mental” que se presupón a los autores del estrozu, restando-y al tiempu emportancia nel sen de qu’actos comu esti nun faen sinon reforciar la xunidá y la llucha obrera asturiana, informando qu’en breve sedrán repintaes les muries con nuevos murales.