• Portada
  • >
  • Esportes
  • >
  • Los piragüistes asturianos algamen cuatro medayes nel Campeonatu Estatal d’Iviernu

Los piragüistes asturianos algamen cuatro medayes nel Campeonatu Estatal d’Iviernu

  • 22 Marzu, 2021

Javi López y Alberto Llera algamaron sendos primeros puestos, entantu que Miriam Vega foi socampeona y Javier Hernanz consiguió la medaya de bronce

La participación los piragüistes asturianos na xornada de clausura de los Campeonatos d’Iviernu de piragüismu, que se disputaron nes agües del Guadalquivir, foi más que destacá, algamando un total de cuatro medayes, dos d’oru, una de plata y la cuarta, de bronce.

El pravianu Javier López, del Club Piragüismu El Sella subió a lo más alto’l podiu con un tiempu de 19.42.52 menutos nel K-1 na distancia de 5.000 metros, dientro la categoría Senior Masculina, seguíu a un segundo pol catalán Albert Martí y a siete segundos del parragués Javier Hernanz, qu’algamo’l tercer puestu.

Na categoría Senior Femenina, Miriam Vega, del Grupu Covadonga, proclamóse socampeona sénior na misma preba, con un tiempu de 22.39.32 menutos, entrando un segundu depues que la zamorana Eva Barrios. Destacar la presencia d’otres dos asturianes pente los diez primeros puestos,  con Celia Remis  ochava y la veterana Bea Manchón novena.

Alberto Llera Serrano impúsose na categoría mocedá del K-1 na distancia de 5.000 metros. El palista del Club Piragüismu El Sella fizo un tiempu de 20.54.35 menutos, tres d’un disputáu esprint col vascu Aitor Gorrotxategi, con un cronu de 20.55.81 menutos, ya’l catalán David Darne, qu’ocupó el tercer puestu con un tiempu de 20.59.20 minutos. El maliayu Miguel Serrano, d’El Gaitero, quedó en cuartu llugar con un rexistru de 21.01.37.

Nel Dos Santos

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies