Ya cuando salieren les bases pa les sovenciones de la Conceyalía d’Esportes la Xunta Pola Defensa la Llingua denunciare que nes mesmes esclúyense a los equipos de la ciudá que lleven el topónimu oficial na camiseta. Nun contentos con ello, El Rosal F. C. denuncia que recibieron de la Conceyalía d’Esporte del conceyu d’Uviéu la indicación de retirar el topónimu “Uviéu” -nome oficial del conceyu- y camudalu pola so versión españolizada “Oviedo”.

Amás de l’agresión llingüística y la illexitimidá d’esa demanda, dende’l Rosal F. C. denuncien un tratu diferencial, ya que “a otros clús que tamién usen Uviéu nun se yos diz na”.  El calter popular y revindicativu del Rosal ya yos acarretó más problemes col conceyu, qu’a finales del añu pasáu yos dió la noticia de que, dempués d’ocho temporaes, los echaben del so campu, cambiándoyos los horarios y denegándoyos el sitiu pa guardar el material, too ello a metá de temporada y ensin dala desplicación.

El conxuntu azulgrana, ñacíu nel añu 1929, destaca pol so compromisu social y pola so revindicación d’un fúbol estremáu del de les grandes estrelles y les millonaes y más averáu al pueblu.