El Conceyu Cangues sancionáu por contaminar el Seya

  • 17 Marzu, 2021

La Confederación Hidrográfica’l Cantábricu sancionó al Conceyu de Cangues polos arramaos continuos de les agües residuales que realiza nel ríu Seya na localidá de Tornín

Les duldes que xeneraba’l continuu arramáu de les agües residuales ensin tratamientu dalgunu del núcleu de Tornín al ríu Sella, cuando ye obligatoriu dende l’añu 2008 el tratamientu de les agües residuales en cualquier población, fueren treslladaes polos vecinos y pola Coordinadora Ecoloxista d’Asturies al Gobiernu de Asturies y a la Confederación en delles ocasiones, polo que se sienten satisfechos d’esta sanción, anque nun la consideren abondo, yá que ye necesariu que’l Conceyu ponga los medios para evitar estos arramaos peligrosos y contaminantes.

La mala xestión d’estes agües residuales, tien un impautu bien negativu sobro la salú, y el mediu ambiente, tantu pol consumu d’agües contaminaes por escrementos, como pol impautu que xenera nos cultivos regaos con estes agües contaminaes y nesti casu bien especialmente pa les persones que se bañen nes sos veres.

Tamién rescampla la degradación del ecosistema fluvial y los sos efectos dañibles pa les especies animales y vexetales asociaes al mesmu, munches d’elles con distintos graos de protección.

Trátase d’una zona protexida dende l’añu 2014, cuando se declaró como Zona Especial de Caltenimientu Ríu Seya (YE1200032) polos sos valores naturales de flora y fauna, que se ven afeutaes polos continuos arramaos, desaniciando a les especies más significatives.

 

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies