L’impautu de la Covid-19, el complexu procedimientu p’algamar les ayudes a la dependencia y que’l Ministeriu de Drechos Sociales nun amontó’l presupuestu nin nun solu euru nuevu nel añu 2020, fixo recular al Sistema de Proteición a la Dependencia en tolos indicadores relevantes
Nun s’amontó nin un euru el presupuestu dedicáu a la dependencia, nin siquier nun añu marcáu pol andanciu, qu’afeutó de manera tarrecible a les persones en situación de dependencia, superándose los índices de mortalidá en bien de más de lo esperao,.
Les tases de variación de 2020,respeuto de los datos del añu anterior, son toes negatives:
En places de cientros de día y residencies, el Sistema reculó a datos de hai más de trés años, a setiembre de 2017. De resultes, per primer vegada en tola serie hestórica’l Sistema d’Atención a la Dependencia menguó emplegu xeneráu n’atención a la dependencia.
Per primer vegada dende l’añu 2014 amenorgóse’l númberu de persones consideraes en situación de dependencia, con -1,7% de resolvimientos. Paralizáronse les nueves valoraciones, asina comu la puesta en marcha de nuevos servicios o prestaciones.
La incorporación de persones pa recibir prestaciones al sistema de dependencia recula un 86% respeutu del aumentu d’atenciones del añu 2019, sumando un retrocesu del 91% en rellación a les de 2018.
L’únicu marcador aparentemente positivu ye l’amenorgamientu de les llistes d’espera. Mientres 2020 morrieron cientos de persones dependientes ensin llegar a recibir les prestaciones o servicios que-yos correspondíen, ente otros motivos pola so alta vulnerabilidá al covid-19. Esto contribuyó bultablemente al amenorgamientu de la llista d’espera,tanto ye ello que la meyora de la mesma correspuende nun 87% a fallecimientos y solo un 13% a meyores reales na xestión de solicitúes.
Llucía F. Marqués
This work is licensed under a Creative Commons Attribution 4.0 International License.
