• Portada
  • >
  • Asturies
  • >
  • I Xornaes de Memoria Hestórica “Desenterrando la Hestoria”

I Xornaes de Memoria Hestórica “Desenterrando la Hestoria”

  • 12 Marzu, 2021

Del 2 al 10 d’Abril Mieres ya L’Infiestu acoyerán un total de 15 charres sobro memoria, represión y llucha n’Asturies del Sieglu XX

Les Xornaes de Memoria Hestórica tan entamaes pola Asociación ensin ánimu de llucru Reflexu y entamarán el vienres 2 d’abril cola apertura de la esposición y la charra “Semeyes pa dempués d’una Guerra”, de Carlos Glez Espina, na sa Polivalente de L’Infiestu, a les siete la tardi. Darréu, Ramón Lluis Bande presentará “El cine como dispositivu de Memoria”.

Nel mesmu escenariu, el sábadu 3 entamarán les xornaes a les 11:00 cola tema “La llucha contra’l franquismu n’Asturies”, a cargu de Pablo Alcántara” y continuará cola intervención de Jose Antonio Longo “Violencia demientres la Guerra civil y la Posguerra en Piloña”.

Tres de la posa pa xintar, tendrá llugar el conciertu “Cantares pa la Revolución d’Ochobre”, nel que Elías Llano, VIti Redondo y Rodri Joglar remembrarán la música que punxo banda sonora a Ochobre del 34 y cola que depués se canciaron aquellos fechos que marcaron la hestoria reciente del país.

A les 16:30 Irene Faza Aladro entamará la charra “Más allá de lo domésticu, la memoria de les campesines piloñeses de posguerra” y darréu sedrá Inaciu Galán quien presente’l so trabayu d’investigación “¿Persiguióse l’Asturianu nel franquismu? repasu hestóricu a la situación de la Llingua Asturiana na dictadura”.

La cabera charra del díe llevaranos de la man d’Arantxa Margolles “De les tumbes pa los vencedores a les cunetes de los que perdieron, la recuperación diferencial de la memoria dende’l fin de la guerra civil”.

El segundu fin de selmana d’estes Xornaes de Memoria Hestórica tendrá llugar nel Auditoriu Teodoro Cuesta de Mieres y cuntará tamién con una esposición de semeyes demientres los dos díes. El 9 d’abril abre les intervenciones Faustino Zapico con “La memoria democrática nel sistema educativu”, a les siete la tardi, siguía de “El procesu de creación del comic Los Llazos Colloraos, la hestoria de les Fuelgues Mineres n’Asturies 1.957-1.964”, a cargu d’Alberto Vazquez.

El 10 d’abril, nel mesmu Auditoriu, Heri Gutierrez García fadrá una intervención alrodiu de “Los procesos de creación de posmemoria pol trauma deriváu de la represión franquista contra les muyeres nel Valle’l Nalón” y Eduardo Abad remembrará la “Violencia, terror y represión n’Asturies en transición”.

De tardi tendrá llugar la conferencia “Esaltación y escaezu, una mirada a la muerte dende l’antropoloxía social y cultural” de Fe Santoveña y darréu “De la memoria familiar a la memoria colectiva, el cine como ferramienta” desplicao por Pablo Casanueva.

Presllará les Xornaes Luis Felipe Capellín cola so charra “La guerrilla antifranquista n’Asturies”.

Toles intervenciones tendrán llendáu’l númberu d’asistentes y pa participar nes Xornaes ye preciso acutar sitiu, mandando un corréu a reflexuablaneru@gmail.com.

 

Redaición InfoAsturies

This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies