Los manifestantes caltuviéronse pacíficos, pesi a les continues prevocaciones de facistes y policies que tuvieron llugar na concentración de Xixón

Una gaita abrió -y preslló- la concentración n’Uviéu, dando pasu a la llectura del comunicáu del Bloque Críticu, convocante de la movilización.“En verdá nun mos manifestamos por Pablo Hazel, nin pola llibertá d’espresión, sinon por tou un sistema que mos conderga a la miseria, un sistema que nos somete, esplótanos y reprímenos cuando tamos a la so contra.” En Xixón tamién la música abrió les intervenciones, nesti casu, tres raperos, un d’ellos Nyto, condergáu dientro’l colleutivu Insurgencia por delitos mui asemeyaos a los imputaos a Hazel; los sos cancios, denunciando la corrución xeneralizada y la represión policial, acusando a la monarquía española y pidiendo la llibertá de los presos políticos n’España, prendieron les primeres voces, enllazando la reclamación de la llibertá de los detenios colos glayios clásicos de llucha obrera y fin de la represión.

Si bien n’Uviéu nun hebio incidentes, na de Xixón hubo un intentu d’agresión a una de les persones que sosteníen la pancarta, por parte d’un espontaniu qu’entró a gritos de “Viva España hijos de puta” y que fue apartáu pola policía. Esi mesmu personaxe foi quien se lió a pataes con una papelera a la fin de la manifestación, na Plaza l’Humedal.

Seique’l percorríu de los manifestantes fore pacíficu dafechu, los antidisturbios encaráronse en delles ocasiones a ellos, apuntándolos coles pistoles de pelotes de goma, ensin que mediare prevocación, ante lo que los concentraos nun respondieron y disolviéronse pacíficamente, pa tornar a concentrase unos metros más pallá. Na so cabera intervención, los antidisturbios con cascos, xilecos y totalmente armaos, cortaron el tráficu durante más de media hora, demientres los pocos manifestantes qu’entá nun colaren observaben dende la Plaza l’Humedal y el Prau del Solarón, a más de 300 metros de distancia ya ensin intervenir. La policía identificó a delles persones y tiró a un de los concentraos al suelu, propinando-y un toletazu ensin motivu aparente ya ensin prevocar la reación violenta que los axentes buscaben.

This work is licensed under a Creative Commons Attribution 4.0 International License.