• Portada
  • >
  • Cultura
  • >
  • Kamante Teatru estrena en La Llaboral la so nueva obra “Anatomía d’una Habitación Propia”

Kamante Teatru estrena en La Llaboral la so nueva obra “Anatomía d’una Habitación Propia”

  • 15 Febreru, 2021

Tres la Residencia creativa y téunica en Llaboral-Ciudá de la Cultura, “Anatomía d’una Habitación Propia” va estrenase nel mesmu Teatru de la Llaboral el sábadu 27 de febreru, a les 19:00 hores
“Anatomía d’una Habitación Propia” ye un espectáculu unipersonal ya intimista de danza-teatru nel que testos biográficos escritos pola actuante (Estrella R.) afilvánense con otros de les Sinsombreru, esi grupu d’escritores, poetes, filósofes, artistes y axitaores culturales de la xeneración del 27 invisibilizaes pol fechu de ser muyeres. A la pallabra hai que añedir partitures físiques de gran potencia y fraxilidá.
Con esti trabayu queremos da-yos voz y presencia d’una forma distinta a los avezaos (que non comunes) homenaxes y reconocencies. La selección de testos ye de les autores Carmen Conde, Josefina Romu Aregui, Concha Méndez, Pilar de Valderrama, Elisabeth Mulder y Rosalía de Castro. La introdución ta estrayida/ispirada en “Una habitación propia” de Virginia Woolf.
Partiendo del escenariu como rincón íntimu y complexu de l’actriz baillarina, de los sos rellabicos emocionales, ábrense les puertes d’esa intimidá de par en par para compartila col públicu, esi grupu de voyeurs que van ser cómplices y testigos del viaxe pol amor, el desamor, la maternidá o la perda y el cientu de sensaciones que producen en cuerpu y mente d’una muyer.
La direición cuerre al cargu de Luis Vigil (Kamante Teatru) que lleva trés décades remanando con identidá propia’l teatru d’oxetos, marca de la casa y con una marcada presencia en “Anatomía d’una Habitación Propia”. Al traviés d’esta diseción del “cuartu emocional” de la actuante, entretéxese un filu de vida pol que transitar n’estremaos estaos d’ánimu.
Otra baza importante nel viaxe ye la música orixinal compuesta ya interpretada por Jorge Arche, con una moza María Muñoz cantándola.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies