Pidin la universalidá de la educación infantil dende los cero años

  • 12 Febreru, 2021

SUATEA esixi universalizar la ufierta de places na etapa d’Educación Infantil (EI) 0-3 años, la dinificación de les condiciones llaborales de les  trabayadores nesa etapa y la creación d’una regulación asturiana y estatal qu’unifique la etapa d’Educación Infantil  0- 6 años.

La refuga a la demanda d’escolarización de dellos menores de Posada de Llanes, causada pola falta de planificación y coordinación ente’l Conceyu y la Conseyería d’Educación, llevó al Sindicatu d’Ensiñantes Asturianos, SUATEA, a replantegar la necesidá d’una planificación a nivel nacional -non a nivel de conceyos, como hasta’l momentu- d’estes etapes educatives, de manera que se garantice la disponibilidad de places y la prestación d’un serviciu educativu universal con calidá, calidez y equidad.

Cabe destacar la falta d’implicación xeneral de l’Alministración Asturiana -que tien les competencies educatives- y la desdexación de funciones nes alministraciones llocales cola Escuela 0-3 años. Anguañu, les alministraciones educatives nun atienden toles demandes d’escolarización na etapa EI 0-3 (casu de Posada de Llanes), nun la ufierten en toles poblaciones (casu de munchos pueblos asturianos), o bien déxenla en manes privaes (guarderíes y alcordaes) nes que, mayoritariamente, empréstase un serviciu asistencial de cuidu y guarda, refugando’l calter educativu de la etapa. Esti calter educativu cuestiónase o matízase de cutio a pesar de que, de magar la LOGSE (1990), les socesives lleis educatives reconocieron el ciclu 0-3 como un primer ciclu d’Educación Infantil. Poro, dende SUATEA y la Confederación Intersindical (C.I.) quieren impulsar la considerancia de tola etapa 0-6 como educativa, desterrando la vieya conceición asistencial qu’en munchos casos inda subsiste.

Revindiquen una regulación- marcu xeneral de tola etapa 0-6 años basada en dos principios: tien de tener un calter educativu y tien d’afitar midíes p’atender de baldre na rede pública a toa persona que demande esti serviciu, promoviendo la universalidá de la etapa. En dengún casu ven xustificao que pa ello se concierten nuevos centros d’educación 0-3 años sinón que, al contrariu, consideren qu’hai que tender a dir esaniciando los conciertos  esistentes nesti tramu como en toles etapes del sistema educativu. Resalten tamién la precariedá llaboral de les persones encargaes d’esti serviciu, mayoritariamente muyeres que carecen convenios precarios, ausencia de la considerancia de personal educativo, salarios bien baxos, etc.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies