• Portada
  • >
  • Economía
  • >
  • Andecha Astur ya avisare nel 2014 del pelligru de perder definitivamente l’Autopista la Mar

Andecha Astur ya avisare nel 2014 del pelligru de perder definitivamente l’Autopista la Mar

  • 11 Febreru, 2021

La formación nacionaliega, que yá aniciare en 2014 los trámites pa esclariar responsabilidaes, ve na Autopista la Mar otra oportunidá perdía pola incompetencia del Principado y del Conceyu Xixón 

“Con ello, piérdese otra vuelta la oportunidá única de convertir Xixón nun importante cientru lloxísticu y de reactivar la xunión con una zona xeográfica venceyada, non solo  comercial, sinón hestórica y culturalmente, al nuesu país”

La de l’Autopista la Mar Xixón-Saint Nazaire ye una hestoria llarga, estrada d’irregularidaes y falses promeses, qu’entamaren cola xestión de la so primer concesionaria, en consorciu navieru LDLines, responsable primera de l’anulación de la llínia.

Andecha Astur criticó dende’l primer intre la incapacidá y desinterés del Gobiernu del Principado ante la pérdida d’esta llinia, que vieno a afondar nel nivel d’aisllamientu ya incomunicación d’Asturies, destacando que la rempuesta del entós gobiernu del PSOE ye idéntica a la d’agora: “declaraciones vagues a los medios de comunicación ensin repercusión práutica y llamentaciones valeres, col agravante de que, esta vegá, la responsabilidá de la perda de l’Autopista la Mar nun recae na concesionaria –Baviera- sinon na neglixencia d’un Gobiernu d’Asturies, que nun foi quien a cumplir los requisitos a los que se comprometió cola naviera y pa los que tuvo dos años de plazu”.

El preslle de la llinia, nel 2014, incumplía les condiciones mesmes que la empresa robló pa consiguir la sovención, que pente otres coses desixía la prestación asegurada del serviciu demientres 7 años. Sicasí, les autoridaes nun desixeron la torna de les perres de vuelta, nin siquiera cuando una de les empreses del consorciu beneficiáu pola mesma duplicó la sovención  al treslladase la llinia a Vigo y facese cola concesión.

Nel 2014, coincidiendo colos fechos, Andecha Astur plantegó al gobiernu estatal, al traviés del diputáu Jon Iñarritu, compañeru na coalición Los Pueblos Deciden, la necesidá d’una auditoría de la xestión de la naviera. Nesi intre, el Gobiernu español asume’l plantegamientu d’Andecha Astur, almite les irregularidaes que llevaron al preslle de l’Autopista y comprométese a llevar a cabu la necesaria auditoría, en coordinación cola Comisión Europea ya’l gobiernu Francés. Cuando un añu dempués nun hai noticies de l’auditoría, tornen a reclamar, nesti casu ante’l Parllamentu Européu y al traviés del eurodiputáu de Los Pueblos Deciden, pero nun hai noticies de que la investigación se ficiera.

La nueva perda de la llínia, nesti casu pol incumplimientu de lo pautao por parte del Gobiernu, pon otru pilancu a un proyeutu que podría ser fundamental pa la recuperación económica de la ciodá, polo qu’una vegada más Andecha Astur torna a desixir tanto al “Principado” como al Gobiernu d’España, la másima implicación nesti casu, y el cumplimientu de les sos promeses, nel comencimientu de que de ser asina, tovía ye posible recuperar –anque seya a mediu plazu- esta importante vía de comunicación p’Asturies.

 

Nuria Prendes

 

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies