L’eventu coincide col Día Internacional de la Muyer y la Neña na Ciencia y va poder siguise on line de baldre
Esti xueves 11 de febreru con motivu del Día Internacional de la Muyer y la Neña na Ciencia Equo entama un alderique online para falar de la situación actual de la muyer na ciencia y l’importancia de la so participación en términos d’igualdá, según del papel fundamental que desempeña la ciencia na consecución d’un futuru más verdi y caltenible nun contestu de calentamientu global.
Ta prevista la participación nel alcuentru de la Directora del IPLA (Institutu d’investigación en productos lácteos) y delegada del CSIC n’Asturies, María Fernández García, Alma Hernández de Coloraes. Investigaora del Istitutu Español d’Oceanografía nel Oceanográficu de Xixón, esperta n’alimentación p’acuicultura, Nuria Quiroga Caleya, Bióloga, componente del equipu científicu del Xardín Botánicu Atlánticu de Xixón y Teresa Valdés-Solís Iglesias, inxeniera química y Dra. en Teunoloxíes del Mediu Ambiente, científica nel Istitutu de Ciencia y Teunoloxía del Carbonu. Fundaora del movimientu «11defebrero.org», de muyeres que se dediquen a promocionar los actos de cellebración del 11 de febreru ca añu.
Redaición InfoAsturies
This work is licensed under a Creative Commons Attribution 4.0 International License.
