Echáu de sidre conxuntu pol seutor sidreru

  • 29 Xineru, 2021

Güei vienres, a les 12:00 h., na Plaza’l Marques, los xixoneses tan convocaos a echar sidre, pero nesti casu nun se trata de batir un record Guiness nin de salir na semeya, sinón de sofitar a tolos que faen posible que nun falte la nuesa bebida y que la cultura sidrera siga vivo

Nesti actu, llagareros, chigreros y pumareros xunen fuercies pa visibilizar les perdes pal seutor qu’impliquen los preslles parciales y denunciar l’abandonu al que tan sometíos por parte’l Conceyu Xixón ya’l Gobiernu d’Asturies.

Hostelería Con Conciencia, organización ensin  ánimu de llucru que pretende xuncir hosteleros y comerciantes que cumplan colos convenios y desendolquen la so actividá baxo unos criterios d’ética social, convoquen a un echáu colleutivu de sidre’n defensa del seutor sidreru, ún de los más perxudicaos poles midies tomaes col argumentu de la contención del covid. A ellos súmense la organización Asturies Suma y cunten col compromisu d’alrodiu una docena de llagares qu’apurrirán la sidre y los vasos pa facer posible l’actu.

 

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies