Iniciativa pol Asturianu ya sofitó públicamente la propuesta del grupu municipal d’homenaxear asina a la escritora de Santianes 

Enriqueta González Rubín ye conocía por  espublizar la primer novela conocía n’asturianu, ‘Viaxe del tíu Pacho el Sordu a Uviedo’, onde realiza una crítica de la política y de la economía de la época, que güei taría de perfecha actualidá. Escritora, periodista y mayestra, Enriqueta representa una xeneración de muyeres que salieron alantre nun entornu masculín dafechu.

Pesi a ser una figura reconocía na lliteratura asturiana, dende Pueblu consideren que nun tien el que merez dientro’l propiu conceyu que la vió ñacer, polo que proponen pone-y el so nome a la Casa Cultura de la villa, que nun tien un nome propiu nesti momentu, polo que pone-y el nome d’Enriqueta González Rubín ye un xestu d’alcordanza cola escritora, la primer novelista en llingua asturianal, talo que se fizo n’otros conceyos d’Asturies como Xixón, cola Biblioteca Xovellanos, o Cabranes, cola Biblioteca Mª Xosefa de Canellada.

Pa Iniciativa pol Asturianu “Esta proposición ye un homenaxe a la propia escritora, pero tamién a les Lletres Asturianes y a les muyeres escritores n’asturianu; Enriqueta González Rubín ye un símbolu nun solo de Santianes sinón una referencia de too Ribeseya y de la Lliteratura Asturiana”

This work is licensed under a Creative Commons Attribution 4.0 International License.