Asturies perdió 7.300 emplegos nel 2020

  • 28 Xineru, 2021

L’informe del mercáu llaboral a finales del añu pasáu indica que la tasa paru subió fasta’l 13,5%, ensin qu’estes cifres recueyan los efeutos de la crisis sanitaria nel mes de Xineru

Asturies perdió’l pasáu añu 7.300 ocupaos, hasta asitiase’l númberu d’ocupaos en 384.700 trabayaores, según la Encuesta de Población Activa (EPA) espublizada esti xueves pol Institutu Nacional d’Estadística (INE).

Anque esa seya la cifra de puestos de trabayu perdíos, l’aumentu del númberu de persones iscrites nel Serviciu Públicu d’emplegu ye de tan solo 800, algamando un total de 60.000 paraos, lo que dulcifica les cifres del paru. Esta diferencia de cifres xustifícase por dellos motivos; per un llaul’amenorgamientu de población activa (persones de 16 años o más que trabayen o busquen emplegu) que cayó a lo llargo del exerciciu en 6.500, por otru la emigración y finalmente el desencantu que lleva a munches persones a desabrise del SEPEPA cuando yá nun cunten con nengún tipu de prestación o ayuda venceyáu al mesmu. Entá asina, la tasa de paru repicó n’Asturies del 13,14 per cientu de finales de 2019 al 13,50 per cientu de finales del 2020, siendo esti’l segundu añu consecutivu nel que, según la EPA, medró’l paru n’Asturies.

La cifra del paru nun se parte equitativamente ente xéneros, yá que mientres el paru femenín ye d’un 14,20% el masculín queda nel 12,84%, amontándose nos dos casos respeutu al exerciciu anterior.

Nuria Prendes

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies