Andecha Mocedá denuncia la irresponsabilidá qu’implica facer desámines presenciales na Universidá nun intre nel que los contaxos tan amontando
Los desámines correspondientes al primer cuatrimestre na Universidá d’Uviéu entamaron esti llunes de manera presencial, depués de que les clases se desendolcaren telemáticamente de magar el mes de Marzu del 2020, por considerase la presencialidá un fautor d’altu riesgu.

Andecha Mocedá considera que movilizar a 20.000 persones -coincidiendo non solo nes universidaes, sinón nos tresportes públicos- en plenu andanciu y cuandu vienen d’endurecese les midíes sanitaries pa controlar la tercer fola, ye un riesgu grande ya innecesariu que costitúi una amuesa d’irresponsabilidá por parte la Universidá d’Uviéu “los estudiantes -y los trabayaores de la universidá- somos carne de cañón” declararon.

Redaición InfoAsturies

This work is licensed under a Creative Commons Attribution 4.0 International License.