• Portada
  • >
  • Sanidá
  • >
  • Plantes presllaes ya inestabilidá llaboral na Sanidá Pública Asturiana “Nós, nun somos más que carne de cañón pa un sistema capitalista dafechu deshumanizáu”

Plantes presllaes ya inestabilidá llaboral na Sanidá Pública Asturiana “Nós, nun somos más que carne de cañón pa un sistema capitalista dafechu deshumanizáu”

  • 30 Avientu, 2020

Miguel Ánxelu Agudo Rodicio, enfermeru nel HUCA y voceru de la Estaya de Sanidá d’Andecha Astur, continúa poniéndomos al díi de la esmoleceora situación de la sanidá pública asturiana -con plantes presllaes arbitrariamente p’aforrar, entantu medren les llistes d’espera- y de les llacerioses condiciones llaborales de los sanitarios

Hai unes selmanes facíase en Xixón una cadena humana en favor de la sanidá público asturiano, daqué perimportante non solo pol andanciu que tamos careciendo, sinon polos años que lleva la FSA/PSOE esternalizando (privatización encubierta) y precarizando más y más les condiciones del personal sanitariu y sociosanitariu.

Agora mesmo nel HUCA pasamos de nun tener situ pa meter los muertos pol covid a alitar daqué, como pel branu. Y como pel branu, a tolos que tuvimos bregando en primera llinia con tol coste sicolóxicu y físicu pa nós, peslláronmos les plantes y la “palmadina en llombu” que mos fixo la direición pola xera rializada foi ponemos de retenes pa tol hospital.

Ello ye, vas a trabayar pero nun sabes au vas dir, quedes a la espera de la direición pa que te mande pa equí o p’acuyá sigún-yos venga bien a ellos. Tamos dando los descansos del personal que nun tuvo en primera llinia, ensin miramientos, ensin tener nin tan siquiera en cuenta l’antigüedá a la hora de sacanos pa onde seya, cual refugaya. Y eso que la mayoría de nós cayó enfermu/a  por mor de la precariedá de medios colos que mos enfrentamos al covid19.

Saben que pola mor de les sos polítiques aportará una tercera fola y posiblemente depués, una cuarta, enantes qu’haiga inmunidá de grupu. La so solución ye presllar plantes en cuantes que pueden (plantes quirúrxiques) y asina aforrar les perres del caltenimientu d’una planta abierta, de contratar personal y de facer operaciones.
Nós, nun somos más que carne de cañón pa un sistema capitalista dafechu deshumanizáu.

Too esto acompañao de la escusa barato de que “nun hai más sanitarios pa contratar”. La tema nun ye que nun heba, la tema ye que BOTÁRONLOS con tolos años de trabayu precariu qu’ufre’l SESPA al personal sanitariu.

This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies