• Portada
  • >
  • Mediu Ambiente
  • >
  • Biogas Fuel sancionaos por contaminar les agües de la Curiscada, col resultáu de muerte de dellos animales por envelenamientu

Biogas Fuel sancionaos por contaminar les agües de la Curiscada, col resultáu de muerte de dellos animales por envelenamientu

  • 21 Avientu, 2020

Los ganaeros de la zona denuncien la muerte d’animales pola contaminación de les agües de les sos bebezones 

La Confederación Hidrográfica del Cantábricu comunicó que recién sancionaron a Biogas Fuell polos arramaos de borrafes llíquides nos montes comunales de la Sierra de Curiscada, en Tinéu. La suciedá vien de la planta de tratamientu de borrafes que la empresa tien nel polígonu de la Curiscada, onde se traten con digestato residuos provenientes de la industria alimentaria, mataderos, llodu de depuraores, etc…

Los ganaeros de la Sierra, onde pacen 800 animales, quéxense de que los escesos llíquidos del procesu contaminaron les agües, lo que presuntamente produxo les muertes por envelenamientu de dellos reses por beber agües contaminaes nes bebezones de la zona nes últimes selmanes.

La Coordinadora Ecoloxista d’Asturies yá treslladara al Gobiernu de Asturies en delles ocasiones la so esmolición pol arramáu de borrafes líquides y sólidos ensin tratar nin depurar pelos montes de la zona, ensin que coste que se tomaren midíes preventives para xestionalos. Enagora, la sanción nun implica que se vaigan a tomar midíes darréu para frenar la contaminación.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies