• Portada
  • >
  • Sociedá/Llaboral
  • >
  • SUATEA refuga un nuevu Plan d’Evaluación qu’agrandaría la fienda salarial pente docentes ensin iguar la fienda salarial col Estáu

SUATEA refuga un nuevu Plan d’Evaluación qu’agrandaría la fienda salarial pente docentes ensin iguar la fienda salarial col Estáu

  • 18 Avientu, 2020

El nueu Plan d’Evaluación propuestu beneficiaría a menos del dos por cientu de los docentes asturianos, ensin resolver el fechu de que continúen ganando menos que la media de lo que cobra’l profesoráu nel Estáu Español

Nel Proyectu de Llei de Presupuestos Xenerales d’Asturies, anguañu’n periodu d’alderique para la so votación y probable aprobación, foi anunciada a última hora una partía de 4,8 millones d’euros “en previsión de la posible implantación d’un nuevu Plan d’Evaluación Docente, que llegáu’l casu podría ponese en marcha tres l’entamu del cursu 2021-2022″. partía que nun apaecía nel borrador anicial.

Esti nuevu Plan d’Evaluación, según denuncien dende SUATEA, agravaría entá más les fiendes salariales esistentes ente docentes, al remunerar namai a una parte de la plantiya -menos de 2000 persones de les 15.000 que la componen anguañu- .”A lo llargo’l tiempu, y más mientres la pandemia, el profesoráu vieno desendolcando’l so trabayu en condiciones difíciles, poniendo a disposición de la Conseyería d’Educación parte’l so tiempu de descansu y de los sos recursos particulares pa garantizar el desenvolvimientu del so llabor docente (compra d’equipos informáticos y multimedia, gastos na meyora de la velocidá de les sos conexones privaes a Interné, formación acelerao en nueves estratexes didáutiques, metodolóxiques…). La reconocencia del trabayu eminentemente coleutivu del conxuntu del profesoráu asturianu, según el so infrayable compromisu cola calidá de la Educación del nuesu alumnáu, ye despreciáu cuando s’apliquen los Planes d’Evaluación que remuneran seleutivamente de manera individual” declararon dende’l sindicatu asturianu d’ensiñantes.

Soliciten, pela contra, un cambéu na forma de distribuyir esos 4,8 millones d’euros presupuestaos por aciu una medría llineal ya igual pa tol profesoráu, abriendo’l camín a una forma equitativa de consiguir la homologación salarial col restu de territorios, yá que esiste una fienda ente lo que cobra un profesor asturianu y la media de cobru n’España que llega a los 300 euros.
Poro SUATEA propón a los partíos políticos asturianos la presentación d’una enmienda parcial a la Llei de Presupuestos Xenerales: “...4,8 millones d’euros adicionales pa introducir nes remuneraciones del personal docente non universitariu asturianu, dientro del conceutu Complementu Específicu Autonómicu, una medría llineal ya igual pa toos as los/les docentes, independiente del cuerpu al que pertenecen y de la so antigüedá”.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies