• Portada
  • >
  • Conceyos
  • >
  • El Serviciu de Melecina Interna de Xarrio lleva 5 meses ensin consulta

El Serviciu de Melecina Interna de Xarrio lleva 5 meses ensin consulta

  • 16 Avientu, 2020

Los vecinos piden una solución urxente a la Xerencia de Xarrio y al SESPA

Dende’l pasáu mes d’agostu nun tán pasándose consultes nel serviciu de Medicina Interna del hospital de Xarrio. Ente los meses d’agostu y avientu la suma de consultes nun llega a una selmana, cero dende’l mes d’ochobre fasta agora. Más d’un millar de pacientes, munchos d’ellos calificaos como “preferentes” tán n’espera de pasar consulta, dalgunos d’ellos dende hai cuasi trés meses, col apioramientu de la salú qu’esto implica pa los enfermos. Nun se fixeron públiques les llistes d’espera dende’l pasáu mes de setiembre.

L’amenorgamientu estremu del personal sanitario y la non reposición de les baxes de personal llevó a qu’anguañu s’atopen n’activu namái 4 de los 9 profesionales que davezu costitúin esti serviciu.  Na práutica y en plena emerxencia sanitaria, esto implica que solo pueden emprestar asistencia a los casos más urxentes, dexando desoyíes les consultes ordinaries.
Arriendes d’ello, esto supón una descomaná sobrecarga de trabayu pa los profesionales n’activu, daqué que redunda nuna peor atención y nun progresivu desgaste de la salú de los mesmos facultativos.  lo que resulta perxudicial pa ellos y pa los pacientes.

El desdexamientu del Hospital de Xarrio lleva años siendo denunciau polos sos usuarios comu una amuesa más del abandonu sistemáticu de les fasteres menos cientrales d’Asturies.
Vitor Corte

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies