• Portada
  • >
  • Llingua
  • >
  • Iniciativa pol Asturianu reclama la presencia del asturianu nos nuevos paneles informativos del Campu San Francisco

Iniciativa pol Asturianu reclama la presencia del asturianu nos nuevos paneles informativos del Campu San Francisco

  • 9 Avientu, 2020

La organización desixe la presencia normal del idioma na nomenclatura de les estremaes especies arbories presentes nel parque d’Uviéu “L’usu de los nomes tradicionales de los árboles val pa que les nueves xeneraciones sigan usando pallabres como faya, carbayu o texu”

El Conceyu d’Uviéu anunció va unes selmanes delles reformes ya intervenciones pa meyorar el Campu San Francisco de la capital asturiana. Nesi sen, tamién va anovase la señalética y poro, Iniciativa pol Asturianu reclama la presencia del asturianu nos nuevos paneles informativos.

La organización apuntó que si se faen bien les coses y hai voluntá pa ello, la propuesta nun tien porque representar un gastu estra, ya que les señales van facese nueves en cualquier casu. Amás, recalcó la emportancia de tener los nomes de los árboles n’asturianu nuna ciudá na que precisamente’l xentiliciu ye’l nome d’un árbol, de tala mena que la perda del nome del carbayu nun dexa de ser una perda de la identidá mesma de los carbayones.

“Ye importante facer un usu normal de la llingua asturiana nos conceyos, amás de facelo pa elementos naturales como ye nesti casu la propia botánica. Nuna ciudá onde’l xentiliciu popular fai alusión a un árbol, esperamos alcontrar tamién referencies a los nomes n’asturianu de los diferentes árboles y plantes que podemos alcontrar nel espaciu” apunten dende la entidá.

Redaición InfoAsturies

 

 

This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies