• Portada
  • >
  • Asturies
  • >
  • Andecha Astur sofita la hostelería asturiana, pero apunta a la necesidá d’una nuea política llaboral nel seutor

Andecha Astur sofita la hostelería asturiana, pero apunta a la necesidá d’una nuea política llaboral nel seutor

  • 8 Avientu, 2020

Andecha Astur entiende que’l “Principado” ta intentando culpabilizar a la hostelería asturiana de la situación aniciada pol andanciu y agravada pol avieyamientu la población ya’l deterioru de la sanidá pública, intentando esviar l’atención de lo que ta siendo una xestión nefasta del mesmu, siempres en función de lo que determine’l gobiernu central y non de les necesidaes de les asturianes y asturianos.

“Dende’l principiu de que la salú ye prioritaria frente a los criterios económicos, Andecha Astur entiende qu’hai fórmules negociables d’apertura de la hostelería asturiana; desixe compensaciones xustes y apunta a la necesidá d’un nueu conveniu del seutor y una política llaboral activa que garantice’l so cumplimientu”.

N’Asturies dase la paradoxa de qu’al mesmu tiempu que se caltién una tasa de positividá que ronda’l 5%, ello ye, que ta prósima al criteriu de control consideráu pola OMS, esiste un peraltu nivel d’ocupación de cames UCIs y Asturies ta careciendo una alta mortalidá.

P’Andecha Astur, estes  cuestiones nun son responsabilidá de la hostelería, sinón del desmantelamientu de la Sanidá Pública asturiana propiciáu poles polítiques del “Principado”, –denunciaes reiteradamente por Andecha Astur–. La falta de recursos humanos y materiales ye, pa A.A., la que mos lleva a la situación d’anguañu na que nun esiste la capacidá precisa pa responder de forma afayaíza a la demanda sanitaria qu’esti andanciu provoca.

L’avieyamientu de la población de resultes de la emigración forciada de la mocedá pola destruición sistemática del nuesu texíu socio-económicu, ye otra de les sides apuntaes pa desplicar l’alta mortalidá nos pacientes asturianos afeutaos pol Covid19.

“Fechos dramáticos qu’en manera dala puen ser acotaos a la hostelería, nin van solucionase por continuar col preslle de la mesma, y sí con polítiques d’inversión na Sanidá Pública Asturiana, en proteición social y con una defensa activo del texíu socioeconómico asturianu.”

La organización nacionaliega considera risibles les compesaciones económiques aprobaes pol gobiernu del “Principado” y afirma que ye preciso buscar fórmules negociables de reapertura, en función de datos oxetivos y non políticos. Reclamen, per otru llau y una bones el preslle ye un fechu, la creación  midíes compensatories eficaces, afitando aídes direutes y xustes al seutor, acullá de lo puramente publicitario, y mecanismos pa faeles efeutives d’una forma eficiente, de tala miente que lleguen en cantidá, tiempu y forma a les presones afectaes por esti preslle forzosu.

Per otra parte, resalten que la situación de cris na hostelería asturiana dexó n’evidencia la problemática llaboral, apuntando a la necesidá d’un nueu conveniu nel seutor, y sobromanera, d’una política llaboral activa qu’a diferencia de lo qu’asocede anguañu, garantice de forma efeutivo’l so cumplimientu.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies