Güei vengo falavos d’esti portentu: esto que paez un tanga al acabar una nueche de comadres, esto ye’l fociqueru que nos dio, como EPI, la empresa pa la que trabayo: la Conseyería d’Educación del Principáu d ‘Asturies

Del Facebook de Pablo Rodríguez Meana

Dos exemplares dende setiembre pa quita y pon. Supongo que cumple con tola normativa y que ta homologada. Anque bien ye verdá que-y busqué les intrucciones pa ver los llavaos que resiste, les vegaes que se pue llavar, etc., nun apaez per nengún llau.

Voi describívosla: paez que ta fecha con un sábanu de los de dir a la yerba, porque ye de tela cenciello, quiero dicir, nin doble capa, nin triple. Un sábanu recortáu, cosíu en pliegues, y con dos gomes que tán dándose de sí y que rocen les oreyes bien d’ello, gomes que son más febles que les d’un calzonciellu o una braga. Yá lo sé…Diréis qué coime, col sueldu que me paga la conseyería bien me puedo permitir una FPP2 pa cada clas, si me pongo. Pero esa nun ye la cuestión.

La cuestión ye que, si la empresa te da un material de protección, y tu uses otru, y lluéu pasa daqué, lo primero que te van dicir ye……que nun llevabes lo que te proporcionaron y que, polo tanto, ye una imprudencia de to. Nun ye la primer vegada que pasa. Y eso nun ye lo más grave: lo peor yá nun ye que la empresa nun cuide a los sos trabayadores, si non que nun cuide a lxs usuarixs d un serviciu públicu como ye la educación, ye dicir, alumnáu y families, principalmente. ¿Nun ye l’alministración la primera en pidir midíes nos negocios q tán abiertos? ¿Nun debería dar exemplu?
Un docente ta con esi fociqueru dende les 8’25 hasta les 13’25 como poco. Cinco hores. Falando, desplicando, Alendando… A vegaes, con tres clases siguíes, la mazcarina tómase y ta empapada. La tela ta húmida y non tolos díes pues llavala. Recordái que namás nos dieron dos y nun ye Asturies, en payares, precisamente, tierra de secano.

This work is licensed under a Creative Commons Attribution 4.0 International License.