L’amenorgamientu d’autobuses obliga a los sanitarios a madrugar dos hores más pa viaxar n’autobuses que tripliquen la ocupación encamentada poles normes de seguridá sanitaria

Usuarios d’ALSA denuncien que la eliminación d’autobuses perxudica seriamente a los trabayadores sanitarios que los usen a diariu pal so treslláu al HUCA dende Xixón y Avilés, prevocando l’atarraquitamientu tantu’l les paraes, mientres la espera, como nos mesmos autobuses, nos que viaxen 65 sanitarios, más del triple de los 20 recoyíos nel protocolu.
Amás, la llimitación d’horarios obliga a munchos d’ellos a madrugar hasta dos hores más para coyer l’únicu autobús que los llevará al so puestu de trabayu, hores perdíes que se suman a les dures condiciones de trabayu, a les rotaciones forzoses por dellos hospitales  y a les guardias de 24 hores.
Les protestes de los sanitarios fueron hasta’l momentu desoyies, tantu per parte del responsable d’esta decisión, el director Javier Prieto, como polos sos superiores, el direutor del consorciu de tresportes, el conseyeru de tresporte públicu y el Presidente del “Principado”.
Pa dellos usuarios d’estos autobuses, esti apinamientu de xente ta nel raigañu de los biltos surdíos en 3 d’estos hospitales, afeutando a dellos viaxeros d’estos autobuses, una d’elles ya hospitalizada.

Llucía F. M