Los vecinos de Cardo, Gozón, onde ta prevista la istalación de la subestación, consideren osoletos los oxetivos plantegaos va quince años, cuando Asturies yera excedentaria n’enerxía lléutrica
Col zarru de centrales térmiques y el llamáu “plan de descarbonización”, sumáu al progresivu preslle y baxada de producción de les grandes empreses electrointensivas, como ALCOA o Arcelor, la situación enerxética camudó bultablemente nes postreres dos décades, polo que consideren innecesario llevar a cabu la serie d’actuaciones que’l Ministeriu de Transición Ecolóxica y el Retu Demográficu tenía entamaes para arreglar problemes que yá nun esisten y que na so opinión yá yeren anicialmentre innecesaries. Másime teniendo’n cuenta’l fuerte impautu paisaxísticu y ecolóxicu del proyeutu.
Por tanto, soliciten que se paralice darréu’l proyeutu de la nueva subestación llétrica de Gozón, neto que toos aquellos proyectos que tuvieren relación col denomináu “Aniellu Cientral d’Asturies” retirándose-yos la reconocencia d’Utilidá Pública y s’aprebe nel so llugar un nuevu documentu de planificación enerxética acordie a les necesidaes del nuesu país y a la llucha contra’l cambéu climáticu.
Redaición InfoAsturies
This work is licensed under a Creative Commons Attribution 4.0 International License.
