El mal estáu de les comunicaciones ye un de los factores qu’echen p’atrás a posibles empresarios y poblaores d’afitase na zona, pero pal “Principado” ameyorales nun ye una prioridá

La carretera que traviesa Ayande, xuniendo Grandas de Salime cola Ponte l’Infiernu (Cangas) y la costrución del túnel d’El Palu van tener qu’esperar, a lo menos, hasta’l 2026, lo mesmo que les meyores na plataforma de los tramos Grandas-Montefuaro y La Reigada-Pola d’Ayande, obres toes recoyíes nel Plan Direutor d’Infraecadarmes pa la Movilidá d’Asturies (PIMA) 2015-2030 pero que nun tienen inversiones conseñaes hasta’l periodu final d’esi plazu, en concretu y si nun hai retrasos, ente’l 2026 y el 2030.

Les caberes obres de meyora nestos tramos remóntense al 1992 y l’estáu de les carreteres “nun almiten muncha demoranza”, como declaró l’alcalde ayandés, José Antonio Mesa , quien recuerda que l’AS 14 ye una carretera vital pal conceyu y que, al ser d’alta montaña, ta sometía a un deterioru costante polos tratamientos contra la ñeve. El so estáu actual, col firme sedáu, fai d’ella una vía altamente peligrosa.

Esta valoración difier asgaya de la fehca pol conseyeru de Mediu Rural y Cohesión Territorial, Alejandro Calvo, quien coincide cola Conseyería d’Infracadarmes en que l’estáu de la carretera y el so nivel de seguridá ye “afayaizu”, restando importancia a la presencia de lo que denomina “dellos baches” que nun precisen de más atención de la prevista poles brigaes de caltenimientu.

Vitor Corte