Denuncien a Ascan por discriminación llaboral de persones con discapacidá

  • 10 Payares, 2020

Los emplegaos de Parques y Xardinos de Castrillón lleven a xuiciu a la axudicataria, la empresa cántabra Ascan, por pagar a una parte de la plantiya menos de lo que yos correspuende basándose na so discapacidá

Los trabayaores contrataos pola Cántabra Ascán, responsable de prestar el serviciu de curiau de parques y xardinos nel conceyu Castrillón, lleven tiempu presentando les sos revindicaciones, primero formalmente, depués con manifestaciones y protestes y finalmente, ante la imposibilidá d’algamar un alcuerdu cola patronal, pela vía xudicial.

El motivu de la denuncia estriba nel aprofitamientu que fae la empresa de la discapacidá del 75% de la so plantiya, a la que paga mui perbaxo del conveniu coleutivu estatal de xardinería. Ascan nun cuenta col reconocimientu de cientru especial nin tien les carauterístiques desixibles pa ello, polo que ye un cientru normal de trabayu nel que tres cuartes partes de les presones contrataes tienen determinaes carauterístiques, en función de les que nun pueden ser discriminaos. Sicasí, el salariu percibíu por estos emplegaos nun se regula, como correspuende, en función a los 1.140 € de base qu’afita’l conveniu de xardinería, si non que yos paga acordies el salariu recoyíu nel conveniu xeneral de los cientros especiales d’emplegu, alrodiu los 860€ mensuales de base.

La sentencia dictaráse nun másimu de quince díes.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies