En Asturies, por agora, son 23 les librerias acomuñaes al proyeutu de ventes de llibros on line todostuslibros.com, la mayoría d’elles con sede’n Xixón, anque tamién les hai d’Uviéu, Avilés y Mieres

Arriendes de l’amenorgamientu de la movilidá ciudadana, el más que probable zarru de munchos comercios ya’l previsible espoxigue de les vientes per internet esti Nadal, les llibreríes decidieron facer frente común y organizase pa facilitar la compra de llibros per internet, pero non a Amazon, sinón a les llibreríes de tola vida.

Ye una midía que non solo podría, cola debida collaboración de los llectores, salvar decenes de negocios que lleven la cultura a pie de cai, dexando los beneficios nos mesmos barrios y non n’una gran multinacional, sinón que tamién pon al algame de cualesquier la bibliografía completa de toles llibreríes del país al traviés d’una páxina bien senciella d’usar, que dexa guetar los llibros por autor, títulu o ISBN y qu’ufre, amás, información sobro los llibros más vendíos y una completa estaya d’encamientos con completes sinopsis de les obres disponibles.

Mercar nestes llibreríes tamién ye un actu de conciencia obrera, cuidao que de toos ye conocida la precaria situación de los el trabayaores d’empreses de vienta y repartu on line, como ye’l casu de Amazon.

Nuria Prendes

This work is licensed under a Creative Commons Attribution 4.0 International License.