• Portada
  • >
  • Sociedá/Llaboral
  • >
  • Asturies tien 88.200 ocupaos menos que va doce años, lo qu’implica la desapaición d’ún de cada cinco emplegos

Asturies tien 88.200 ocupaos menos que va doce años, lo qu’implica la desapaición d’ún de cada cinco emplegos

  • 28 Ochobre, 2020

Apocayá fixéronse públicos los resultaos de la Encuesta de Población Activa correspondientes al tercer trimestre de 2020, qu’entá nun recueyen l’impautu que nos prósimos meses van tener sobro l’actividá les restriciones impuestes pola crisis sanitaria 

La cifra de persones daes d’alta na seguridá social mientres el pasáu trimestre foi de media 380800, 88.200 menos que nel mesmu periodu del 2008.

La vuelta al trabayu (o a la busca del mesmu) ye lenta, calcúlase que solo la metá de les persones qu’abandonaron la so actividá mientres el confinamientu se reincorporaron al mercáu llaboral. Asturies, al contrariu de lo qu’asocede nel restu del Estáu, sigui perdiendo población n’edá de trabayar, -2.800 nel últimu añu y -61.000 nos postreros dolce años- y d’elles son munches les que,  por cuenta de la situación, nun tán en procesu de busca d’empléu, lo que contribúi a caltener cuasi estable la cifra de paru, que xube en cien persones. D’eses persones n’edá de trabayar menos de la metá, un 42’9%, tuvieron emplegu esti branu y munches de les que lu tuvieron foi en condiciones precaries: mientres el branu creáronse 12.600 empleos temporales y desaniciáronse 3.300 indefiníos.  Ún de ca cuatro asalariaos tenía un contratu temporal y el 13% de los ocupaos taben contrataos a tiempu parcial.

Por estayes, la costrucción ye’l que meyor se ta recuperando, dempués de carecer mientres la crisis la destrución más intensa, siguíos pol sector primariu y, bien de llueñe, el terciariu. El númberu d’ocupaos na industria sigue cayendo entá dempués del fin del confinamientu, con otros 700 despidos.  El sector priváu atropa la totalidá de la perda d’emplegu.

Nuria Prendes

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies