Loly tien 60 años y ye una veterana na llucha polos drechos del pueblu obreru y pol reconocimientu de la Memoria Hestórica. Actualmente participa nes aiciones d’Asturies nun tien Rei y collabora na so organización

¿Participasti nos actos del 16 d’Ochobre en refugu de la Corona Española?

Si , tuve na manifestación  y tamién participé na organización. Siempres participé en tolos actos contra la Monarquia, non escoyida pol pueblu y corrupta.

¿Para ti que representa la Monarquía?

¿Qué pa min que representa? Nada, amás de corrupción. Nun puedo dexar de ver que mientres-yos caltenemos una gran vida nosotros escarecemos d’una vida digna, son una imposición del facismu , y nun fueron escoyíos democráticamente pol pueblu.

¿Porqué t’implicasti nesta llucha?

¿Y como nun implicame contra lladrones que roben al pueblu obreru?  nun sería humana nin sería yo si nun m’afeutara; el mio Estáu ye’l Republicanu, que ye’l postreru que salió llexítimamente de les urnes.

¿Cómo visti la manifestación?
L’ambiente tuvo bien , la xente bien animada y con ilusión , bastante participación pa los tiempos que tamos pasando.

This work is licensed under a Creative Commons Attribution 4.0 International License.