• Portada
  • >
  • Cultura
  • >
  • Güei entama’l X Salón Internacional de les Sidres de Gala

Güei entama’l X Salón Internacional de les Sidres de Gala

  • 22 Ochobre, 2020

Pesi al andanciu, esti ye l’añu de mayor participación nel Concursu de les Meyores Sidres de Gala. A esta atípica edición del más elegante de tolos eventos sidreros d’Asturies presentáronse 68 llagares nacionales ya internacionales, apurriendo 184 sidres estremaes. 

Les restriciones pol andanciu obligaron a los congresos y cellebraciones a redefinir les sos actividaes. Esti ye’l casu del Salón Internacional de les Sidres de Gala, l’alcuentru más llonxevu cientráu na sidre del estáu. La Fundación Asturies XXI foi quien a adautase a la situación y entamará güei cola cellebración del eventu, que finará’l domingu 25 d’Ochobre.

El cumplimientu de les midies sanitaries que requier la situación obliga a que se faiga de manera semipresencial, con una parte telemática. No que cinca a la parte presencial, la primer actividá sedrá la inaguración, que tendrá llugar esta tardi nel Restaurante Amares Gastronomía, allugáu nel Hotel NH de Xixón. Participarán Marcos Abel Fernández, presidente de la Fundación Asturies XXI; Santos Melandru, conceyal de Promoción Económica, Emplegu, Turismu y Comerciu Llocal de Xixón; Luis Castañu Llomba, cónsul de la República Checa en Xixón pa la cornisa Cantábrica; Manuel G. Bustu, presidente del xuráu de los Premios SISGA y Dominic Lagadec, ellaborador francés del Llagar Txopinondo, que se mueve espresamente para participar. La inauguración tamién va ser emitida online al traviés del Instagram de la revista La Sidra revistalasidra.

Les actividaes del vienres sedrán principalmente telemátiques y consistirán nun alcuentru on line pente tolos llagareros participantes, con intercambiu d’opiniones sobro la situación actual del mercáu y meyores téuniques na ellaboración de la sidra. De 16:00 a 20:00 h fadráse la costitución del xuráu cola inclusión d’un representante por cada llagar asistente físicamente al eventu y fadráse una preescoyeta de los Premios SISGA 2020, que se fallarán con conexones en direutu colos llagares participantes y emisión online al traviés del Instagram de la revista La Sidra revistalasidra.

Pa finar, el domingu 25 d’ochobre de 11:00 a 15:00 h. tendrá llugar el Brunch de Gala y la entrega de Premios SISGA 2020, nel restorán El Duque, cumpliendo toles midíes de seguridá, y con  emisión online en Instragram revistalasidra incluyendo intervenciones en direutu de los llagares galardonaos.

Redaición InfoAsturies


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies