• Portada
  • >
  • Sanidá
  • >
  • Los hospitales entamen a anular actividá mélica non venceyada al Covid

Los hospitales entamen a anular actividá mélica non venceyada al Covid

  • 21 Ochobre, 2020

Falta espaciu, falten medios, pero perriba de tou, falta presonal. Los hospitales asturianos, por muncho que se presumiere, nun taben preparaos pa la primer fola del andanciu y nun s’aprofitó’l parón pa preparase pa la segunda

Les UCIs asturianes entamen a saturase otra vuelta, los ingresos de pacientes de Covid 19 en planta acelérense y la sanidá asturiana, ya saturada y con llistes d’espera inasumibles anantes del andanciu, alcuéntrase agora imposibilitada pa facer frente al so propiu calandariu.

La solución puesta en marcha p’aliviar esta saturación nun pasa pola mayor inversión en sanidá nin muncho menos pola contratación de más personal, sinon pola anulación d’actividá n’otros campos. La derivación de medios cuasi n’esclusiva hacia’l coronavirus ya propició agravamientos y muertes n’enfermos d’otres malures na primer fola, con retrasos a vegaes fatales en ciruxies, prebes y consultes. Agora dalgunos hospitales vienen d’anunciar la suspensión de la so actividá nos quirófanos, entantu n’otros reprográmenla, llendándola a ciruxies mui urxentes o mui cencielles y posponiendo indefinidamente les demás.

Dende la Conseyería de Sanidá aleguen que la dificultá p’abrir nueves plantes o unidaes de críticos estriba na falta d’enfermeres y mélicos, daqué que contrasta bultablemente colos profesionales d’estes rames qu’agora mesmo continúen en paru n’Asturies y col gran númberu d’ellos que tuvieron de colar del país forciaos pola falta d’emplegu.

 

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies