• Portada
  • >
  • Muyer
  • >
  • L’Hospital de Xarrio “cellebró”‘l Díi del Cáncanu de mama col programa de peñeráu suspendíu va un añu

L’Hospital de Xarrio “cellebró”‘l Díi del Cáncanu de mama col programa de peñeráu suspendíu va un añu

  • 20 Ochobre, 2020
Va práuticamente un añu dende que l’Hospital de Xarrio, cientru de referencia del Ária Sanitaria I, paralizó’l programa de peñeráu del cáncanu de mama, dexando a miles de muyeres del norocidente asturianu n’edaes de riesgu ensin la so revisión
El programa de deteición precoz de patoloxíes oncolóxiques permitie’l tratamientu de la enfermedá nes sos primeres fases, amenorgando fasta’l 20% la tasa de mortandá por esti cáncanu.
caberos años les muyeres de más de 50 años facíen esta preba periódicamente, pero los recortes en sanidá aplicaos pol gobiernu paralizaron el programa de peñerao, dexando a más de tres mil muyeres del surocidente asturianu ensin atención.
Nesti casu, la desatención nun pue achacase a la emerxencia sanitario creada pol Covid19, ya que la situación vien ya de la seronda del 2019.
La maquinaria preciso pa continuar coles revisiones, donada en so díe con gran puxu mediáticu pol empresariu ya esplotador Amancio Ortega, alcuéntrase agora mesmo paralizao nes istalaciones del Hospital, fechu que persaben dende la Conseyería de Salú y la Xerencia del Ária Sanitario. Nun se tien conocencia de fecha dala de reapertura del programa.
Pa les afeutaes, esto nun ye sinon un pasu más nel procesu d’amenorgamientu de servicios empobináu a la despoblación de la fastera, asina comu un sofitu a la privatización de la sanidá.
Sicasí, tou ello nun torgó al Hospital enllenase de llazos roses y mensaxes contra’l cáncanu de mama nel díi internacionalmente dedicáu a la so deteición y tratamientu, daqué que les usuaries consideraron “una tomaura de pelu”.
Per otru lláu, el preslle indefiníu de la planta de xinecoloxía del hospital de magar el pasáu mes de Xunu agrava la situación de saturación del mesmu, perxudicando especialmente a les muyeres.
Vitor Corte


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies