Soldepaz Pachakuti lleva 22 años organizando na seronda alcuentros de muyeres nos que delles temátiques son compartíes, analizaes y desendolcaes, nel camín la tresformación social ante les inxusticies
Esti añu l’alcuentru sedrá los díes 20 y 21, na antigua Escuela de Comerciu de Xixón. Pa poder adautase a los protocolos sanitarios en vigor, namás se cellebrará una parte piqueña’n formatu presencial, desendolcando la mayor parte de les actividaes n’internet y n’abierto a traviés de facebook y youtube.
Los temes escoyios pol grupu de muyeres Pachakuti xiren al rodiu l’alimentación, enerxía y testil. Nos alderíques cuntaráse colos testimonios y esperiencies de muyeres de Chile, Brasil, México, Galiza, Andalucía y Asturies.
Pa participar nel Alcuentru Conversatoriu, iscribise previamente nel corréu soldepaz.pachakuti@nodo50.org.
This work is licensed under a Creative Commons Attribution 4.0 International License.
