• Portada
  • >
  • Asturies
  • >
  • Incansable refuga de los asturianos a la Monarquía Española

Incansable refuga de los asturianos a la Monarquía Española

  • 17 Ochobre, 2020

“El sistema políticu español nun-y sirve a Asturies, nun-y sirve a los sos trabayaores. La Monarquía española, la so Costitución, el so Gobiernu, el so Congresu, el so Senáu, el so Estatútu d’Autonomía y la so Xunta Xeneral, el so Principado, nun mos representen”

Coincidiendo cola ceremonia d’entrega de los Premios Principiegos, los asturianos protagonizaron ayeri dos actos de protesta amosando otra vegá la so disconformidá col Reinu d’España.

A primer hora la tardi los Sanitarios concentráronse na Plaza la Escandalera en refuga espresa del premiu otorgáu pola Fundación Princesa al so coleutivu, insistiendo en que nun quieren premios, quieren que la familia real yos devuelva lo robao y que se dote a la Sanidá Pública de los medios y del personal necesarios. Tres d’esa primer concentración, los asistentes a la mesma xuniéronse al manifestamientu qu’a les 7 la tardi salía del Campus del Milán, organizáu pol coleutivu Asturies nin tien Rei, plataforma entamada por alrodiu una docena d’asociaciones que lleva faciendo numberosos actos en contra la monarquía dende la visita de la Casa Real a Asturies el pasáu Agostu.

Tres d’un percorríu nel que los asistentes glayaron contundentes llemes contra’l reinu y a favor de la clas trabayaora y la República Asturiana, el pasucais finó na plaza la Escandalera onde tuvo llugar la intervención de los comunicaos. Primeramente intervinieron l’asociación de cuidadores a domiciliu, remembrando’l so conflictu llaboral, y los sanitarios, aporfiando na reclamación de lo robao a los Borbones y la so refuga espresa al premiu concedíu.

Darréu Mario Arbesú, d’Andecha Astur, lleyó en nome de toles organizaciones participantes un comunicáu conxuntu nel que remembró l’orixen facista y composición de la Fundación Princesa, asina comu’l so envís de “fortalecer venceyos pente Asturies y el títulu qu’ostenten los heriederos de la corona”, comu reconoz esta esplicitamente nos sos estatutos. Nel comunicáu tuvo pallabres pa los presos políticos, la represión policial, la dinidá de los trabayaores en llucha nos munchos conflictos llaborales qu’azoten Asturies, la emigración forciada de la mocedá y la discriminación de toa triba, destacando l’allianza pente’l capital y la monarquía y reclamando un cambiu fondu nel sistema que-y de la soberanía al pueblu trabayaor asturianu.

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies