• Portada
  • >
  • Asturies
  • >
  • Manifestamientu antimonárquicu’l 16 d’Ochobre, coincidiendo colos Premios Principiegos

Manifestamientu antimonárquicu’l 16 d’Ochobre, coincidiendo colos Premios Principiegos

  • 14 Ochobre, 2020

Continúa la campaña contra los reis d’España, con cartelos, pegadielles y un manifestamientu n’Uviéu coinciciendo cola entrega a puerte presllao de los Premios Principiegos 

El coleutivu d’organizaciones antimonárquiques, apautaes col llema “Asturies nun tien rei”, convoquen un manifestamientu el prósimu vienres, 16 de d’ochobre, a les 19:00 h. Tendrá llugar n’Uviéu, y saldrá dende la Cai Emilio Alarcos (escaleres de El Milán) pa finar en Pza. La Escandalera.
Esta convocatoria xúnise a les múltiples aiciones que, dende el mes d’Agostu y teniendo comu partida la pasada visita de los reis d’España a Asturies, vien desendolcando Asturies nun tien Rei, nuna de les campañes más continues ya intenses de les munches que tan teniendo llugar en tol Estáu.

La tradicional concentración de refuga a la monarquía que llevaba años cellebrándose na Escandalera treslládase esti añu por mor del cambeu de sede de la entrega de premios, qu’esti añu sedrá nel Hotel Reconquista y a puerte presllao. En so llugar, un manifestamientu saldrá del Campus del Milán a les 19 h amosando la refuga de la sociedá asturiana a la monarquía y tolo que representa, aprofitando esti espaciu tamién pa reclamar que les perres esbardiaes nesta anacrónica istitución reviertan en gastu social y se destine a servicios básicos públicos comu la sanidá, la educación o les pensiones. Comu ye vez otros años tamién tarán presendes dellos grupos de trabayaores reclamando soluciones a los sos conflictos llaborales.

Nel sen de desixir gastu públicu, a lo llargo d’esta selmana tan colocando per toa Asturies pancartes colos llemes “-Realeza, +Sanidá” “Menos Realeza, + Educación” y “Asturies nun tien Rei”.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies