El programa Horizonte 2020 puestu en marcha pola Xunión Europea pretende tar preparaos d’antemán pa posibles casos futuros de crisis sanitaries comu l’actual
Tres empreses con sede n’Asturies, Normagrup, Idonial ya’l cientru I+D+I d’ArcelorMittal, pasen a formar parte del programa Horizonte 2020 de la X.E. en calidá de “reservistes” pa la fabricación d’alendaores. El so papel ye’l d’asegurar que son quien a fabricar, nun marxen másimu de 48 hores dende que se yos pida, alendadores a un rítmu de trenta al día, incluyendo tanto invasivos comu non invasivos. El proyeutu ta financiáu con un millón d’euros y tien l’envís d’amenorgar la dependencia de mercaos foriatos pa facer frente a andancios. Poro, tamién tienen que tar preparaos pa la fabricación de mazcarines, bates o equipos de proteición individual.
La relevancia d’esti contratu nun ta namás nelli mesmu, sinón que, comu señaló Borja Sánchez, Conseyeru de Ciencia, Anovación y Universidá, la consecución d’esti proyeutu européu “ye una de les consecuencies del esfuerciu del seutor d’anovación teunolóxica” que se ta faciendo n’Asturies. Ello marca un camín y abre la puerte a la creación d’emplegu de calidá nel seutor de la teunoloxía, alternativu a la cientralización del enfotu económicu nel seutor hosteleru y turísticu.
Nuria Prendes
This work is licensed under a Creative Commons Attribution 4.0 International License.
